14 годишна тинејџерка од Девон успешно го завршила пловењето со едрилица околу Велика Британија и се надева дека сега е официјално најмладата личност која го остварила тоа. Тргнала кон крајот на јуни од Ексмаут со дрвената едрилица Фаланда, долга осум метри. Се вратила на 21 август, а многубројни поддржувачи ја пречекале на целта.
Таа собрала илјадници фунти во добротворни цели за време на патот кој бил долг 1.600 наутички милји или 3.000 километри, пренесува Би Би Си. И покрај тоа што нејзиниот татко бил покрај неа поради безбедносни причини, сепак, таа цело време сама управувала со едрилицата.
Ја подигнала свеста за загадувањето на морето и собирала пари за две добротворни организации, вклучувајќи ја и Sea Shepherd од Британија. Имала цел да собере 6.000 фунти, а таа успеала да собере повеќе од 10.000 фунти.
Досегашната најмлада личност која самостојно пловела околу Британија е Тимоти Лонг, кој минатата година ја обиколи Британија на само 15 години.
Well done, Katie McCabe, on becoming the youngest person to have sailed single handed around GB, at 14 years old.
…and raising heaps of cash while doing it. #HERO pic.twitter.com/KC9ZaUDOS6— Benjamin Ranyard (@higgledygarden) August 22, 2021
Извор: Точка
