Се претставувале како менаџери на фирми, па порачувале стока и не ја плаќале
Од
Објавено на
ОВР Гостивар поднесе 13 кривични пријави против Б.А.(35) од Скопје, осуденик во Казнено-поправната установа Идризово, Р.М.(37), Б.М.(32) и Ш.Ш.(36), тројцата од Тетово, поради постоење основи на сомнение за сторени кривични дела „измама“.
Пријавените, кривичните дела ги сториле во период од февруари до мај 2022 година на тој начин што им се јавувале на оштетените, претставувајќи се како менаџери на фирма или дека се заинтересирани да купат нешто, па ги доведувале во заблуда да им пуштат пари, а стоката или порачката ќе ја платат кога ќе се видат. Причинетата вкупна материјална штета изнесува 480.200 денари.
