Фирми блиски до Зоран Заев биле дел од клишето за перење пари, тврди Трифун Костовски
Бизнисменот Трифун Костовски чија Еуростандард банка пропадна, кажа дека фирми блиски до експремиерот Зоран Заев се дел од шемата за перење пари. Тој не кажа никакви детали во однос на тоа кои се називите на фирмите и на кого се водат во Централен регистар.
„Нема да се повлечам од мојата изјава дека фирми блиски до СДСМ и посебно до Зоран Заев биле дел од клишето за перење пари. Таа изјава не ја дадов бидејќи времето предвидено за говорење беше кратко. Друг елемент кој укажува дека ова е со умисла направен гест за носење во стечај на Еуростандард банка е интервју на Бежовска каде вели: ‘Ги натерав акционерите да доплатат 6 милиони евра, за да има повеќе пари во стечајната маса’. Одлуката за убивање на Еуростандард банка е донесена кога со новиот Управен одбор обзнанивме дека нема да има такво (незаконско) работење во банката“, кажа Костовски.
