Windows 11 го добива своето прво големо ажурирање
Windows 11 почна да го добива своето прво големо ажурирање во форма на Windows 11 2022 Update.
Со Windows 11, Microsoft одлучи да се префрли на годишна објава на ажурирања, што значи дека не мора да прецизира во која половина од годината се објавува ажурирањето, како што беше случајот со претходните верзии на Windows.
Windows 11 беше објавен пред повеќе од една година, а ажурирањето од 2022 година носи голем број нови функции.
The Windows 11 2022 Update – also known as Windows 11, version 22H2 – is now rolling out to eligible Windows 11 and Windows 10 PCs! Here is what you need to know to install the new update. https://t.co/V7mcs1mIKe
— Windows Update (@WindowsUpdate) September 21, 2022
Microsoft нагласува дека целта на Windows 11 е да понуди поедноставено искуство што го прави корисникот попродуктивен. Така, новата верзија на Windows вклучува подобра навигација со допир за Snap Layouts, можност за додавање повеќе табови на прелистувачот на Edge, Focus сесии и функцијата Do Not Disturb.
Компанијата тврди дека Windows 11 2022 Update нуди побрз Search, подобро искуство со менито Start, различни виџети и подобрувања на пристапноста.
Покрај тоа, најновото ажурирање исто така се промовира како врвно за креаторите на содржини и гејмерите, благодарение на фактот што доаѓа во комплет со Clipchamp, нова алатка наречена Windows Studio Effects и голем број гејминг подобрувања.
Microsoft ја продолжува поддршката за апликациите за Android во Windows 11. Искуството со Amazon Appstore, овозможено од Windows Subsystem for Android (WSA) сега се проширува во 31 нова земја и ќе содржи каталог од 20.000 апликации и игри за Android.
I would highly recommend moving to Windows 11 2022 Update for gaming PCs. Microsoft has made some great latency improvements for windowed DX10 and DX11 games + VRR / auto HDR support. There's even a new Xbox controller bar https://t.co/LXtPLzc8wO pic.twitter.com/yAsRsbVrEY
— Tom Warren (@tomwarren) September 20, 2022
На безбедносен план, Windows 11 2022 Update има сензори за присуство за Windows Hello for Business, како и Smart App Control.
Како и претходните ажурирања на Windows, 2022 Update ќе пристигне во бранови и фази до квалификуваните корисници и ќе се појави во делот за ажурирање на Windows.
