Kако изгледала Макејевка пред и по ударот на ХИМАРС на сателитски снимки
Сателитските снимки на американската компанија „Планет лабс“ од 20 декември и 2 јануари ја покажуваат ситуацијата по украинскиот напад врз градот Макеевка, окупиран од Русија.
Неодамна мобилизираните војници, наводно, биле сместени во зградата на стручното училиште кога се случил нападот на 1 јануари.
I made a comparison shot on @planet showing the vocational school on December 20th and this morning. Hard to see very well — it's 3m imagery — but you can clearly tell it's been heavily damaged. https://t.co/dR3hPAW0NY pic.twitter.com/5gWTXhtd1l
— Aric Toler (@AricToler) January 2, 2023
Украина соопшти дека во нападот била уништена опремата на непријателот. Генералштабот на украинската армија во соопштение подоцна во понеделникот соопшти дека до 10 единици руска воена опрема од различни видови биле оштетени или уништени во окупираната Макеевка во источниот регион Доњецк, објави Гардијан.
Украина речиси никогаш јавно не ја презема одговорноста за нападите на територијата под контрола на Русија, но нејзината војска извести дека нападот во Макеевка бил „удар врз руски персонал и воена опрема“.
Човечките загуби сè уште не се утврдени, според „Гардијан“. Украинската војска првично тврдеше дека во нападот загинале 400 Руси, додека руската страна соопшти дека загинале 63 војници. Ова е најголемата загуба на животи што ја пријавила Москва досега. Руското Министерство за одбрана, исто така, соопшти дека објектот бил погоден со четири американски ракети ХИМАРС.