Свет

Силно невреме во Калифорнија, има мртви

Големото невреме во Тихиот Океан втор ден по ред донесе силни ветрови, врнежи и виулици во Калифорнија.

Неколку десетици илјади граѓани останаа без струја, а патиштата се поплавени и непроодни поради паднати дрвја и одрони, јавува денеска АП.

Најмалку две жртви од невремето се пријавени од средата, едната жртва е мало дете кое било удрено од дрво и уништило мобилна куќа во Северна Калифорнија, додека другата е 19-годишна девојка.

Обемот на врнежите и материјалните штети е помал од предвидувањето на експертите пред почетокот на невремето, метеоролозите предупредуваат дека се очекува уште поголемо невреме. Следниот бран на бури се очекува доцна вечерва, што ќе донесе ризик од лизгање на земјиштето и поплави, соопшти американската Национална метеоролошка служба.

Најзагрозени места се оние каде што земјата беше опустошена по овогодинешните пожари.

Областа на заливот Сан Франциско, градот Сакраменто и околните региони сè уште се опоравуваат од големите штети од поплавите.

На почеток