Магазин

Заврши 6. издание на Меѓународна уметничка колонија во Трпејца

Заврши 6. издание на Меѓународна уметничка колонија во Трпејца

По четиридневна работа, вчера беше заокружено шестото издание на Меѓународната уметничка колонија „Трпејца 2023“.

dobivaj vesti na viber

Во кругот на подрачното ООУ „Свети Наум Охридски“ во Трпејца заедно твореа шест уметници: Наташа Попоска-Карче, Ѓоко Симјаноски, Елена Ѓурѓиноска, Хава Реџепи и гостите од соседен Поградец, Албанија, браќата Петрит и Кастриот Лараку.

Свој придонес со една своја изработка и неколку карактеристични минијатури даде и канадскиот уметник со македонски корени, Мајкл Клос.

И годинава главна инспирација на уметниците во сликањето им беше околината на преубавата Трпејца сместена меѓу синото езеро и планината Галичица.

Во изминатите шест години на колонијата се изработени 100-ина слики во разни техники, од кои половината се во сопственост на организаторот, здружението „За Трпејца со љубов“.

Меѓународната уметничка колонија во Трпејца се одржа под покровителство на Општина Охрид, а во знак на благодарност за досегашните учества уметникот Петрит Лараку на подрачното училиште во Трпејца му подари едно свое дело.

Макфакс

На почеток