Со синоќешното отворање на поставката на дел од творечкиот опус во КИЦ „Битола“, на познатиот битолски и македонски ликовен уметник Ѓорѓи Чулаковски-Ѓото, со наслов „Симболи и нови контексти – графичкото творештво на инспирација за екфрастичка поезија“, се реализира една благородна иницијатива за трајно отстапување и поставување дела од овој голем и признат македонски графичар во поставка што ќе биде достапна за јавноста.
Благодарение на отвореноста на неговата сопруга Верица Чулаковска, која се јавува и како куратор на изложбата, КИЦ „Битола“, со поддршка на Министерство за култура, го реализира овој проект од национално значење.
Ова воедно претставува и гест на паметење и почит на уметникот, кој е по потекло од Битола, иако неговите дела ги украсуваат галериите на речиси сите светски метрополи. На отворањето присутни беа ликовни уметници, некои негови ученици, членовите на Битолскиот книжевен круг, кои инспирирани од едлата на Ѓото создадоа поезија, како и многубројни гости.
Макфакс
