Две од повредените лица пристигнаа на лекување во Загреб
Две лица повредени во пожарот во Кочани, утринава се пренесени на лекување на Клиниката за трауматологија на Клиничката болница „Сестре Милошрднице“, во Хрватска. Од болницата соопштија дека се очекува да бидат пренесени уште двајца пациенти.
Двајца пациенти кои утринава се примени на Траума имаат изгореници и повреди од вдишување на респираторниот тракт, па обезбедени се респиратори за механичка вентилација.
Покрај нив, во Загреб на лекување во текот на денот треба да пристигнат уште повредени пациенти од Кочани. Владата утрово извести дека хеликоптер на хрватската армија денеска и утре ќе превезува уште четворица пациенти, кои исто така ќе се лекуваат во хрватските здравствени установи.
Тешка траума
Во акцијата за помош, задачата за лекување на повредените Македонци и е доверена на Клиниката за трауматологија при Клиничката болница „Сестре милошрднице“, каде најпрвин ќе се утврди степенот на изгорениците и повредите на други телесни функции, со оглед на тоа што преживеале тешка психофизичка траума.
За место на лекување е избрана Клиниката за трауматологија бидејќи има Оддел за изгореници, посебно одделение за изгореници со посебна операциона сала и одделение за интензивна нега. Таму има и банка за ткиво каде што се одгледуваат трансплантации на кожа, кои се неопходни за тешки изгореници.
За здравствената состојба на пациентите и нивниот понатамошен тек на лекување лекарите ќе известат во 11 часот, на прес-конференција пред болницата.
Foto: Profimedia
