Една полициска станица во североисточен Париз е затворена поради наезда на болви или стеници. Болвите ги напаѓале полицајците и останатите службеници, соопштил денеска синдикатот на полицијата кој ги критикувал неприфатливите услови за работа.
– Веќе неколку дена службениците во полициската станица во 19. арондисман се жртви на наезда на болви кои ја попречуваат нивната работа – се наведува во соопштението.
Синдикатот додал дека неколку службеници побарале лекарска помош поради каснувања, наведувајќи дека сè уште се утврдува дали се работи за болви или стеници, или за двата инсекти.