Македонија

ВМРО ДПМНЕ: Ако има храброст Заев да прифати -кој ги изгуби изборите да се повлече од политиката

СДСМ и Зоран Заев се во паника и затоа бегаат од одговорност. Зоран Заев да го прифати предлогот на претседатeлот Христијан Мицкоски лидерите на партиите кои се во трка за парламентарни избори да биде со својство кандидат за мандатар, и ако ги изгубат изборите да се повлечат од политиката.

Доколку Зоран Заев има барем малку храброст ќе го прифати овој предлог.

Лидерите на партиите мора да сносат одговорност за своите политики, се вели во соопштението од ВМРО ДПМНЕ.

Воведување на системот кандидат за мандатар е европска пракса и одраз на најголема морална одговорност во политиката. Доколку Заев е за вистински вредности, а не лаже, тој ќе го прифати тоа.

ВМРО-ДПМНЕ е за нов начин на водење на политиката. Со одговорност, отчетност и работа.

Мора да им се врати надежта на граѓаните, дека не сите политичари се како Зоран Заев, дека не сите крадат и лажат.

Во таа насока ВМРО-ДПМНЕ по изборите ќе изгласа закон за проверка на имот на политичарите. Секој ќе мора да си го оправда имотот. Недозволиво е некој со функционерска плата да станува милионер преку ноќ, додека граѓаните едвај врзуваат крај со крај.

Доаѓа време за одговорност. По 12 април доаѓа обнова на Македонија,се вели во соопштението од ВМРО ДПМНЕ.

На почеток