fbpx
вто. Мај 19th, 2020

Скопје1.мк

види, слушни, прочитај

Трамп се закани кон СЗО: Мојата привремена суспензија на американското финансирање ќе ја направам да биде трајна

Американскиот претседател, Доналд Трамп, се закани дека трајно ќе престане со финансирањето на Светската здравствена организација (СЗО) доколку не направи одредени подобрувања во наредните 30 дена и дека ќе размисли за натамошно членство на САД во тоа тело.

„Ако СЗО не направи значителни фундаментални подобрувања во наредните 30 дена, ќе ја направам мојата привремена суспензија на американското финансирање да биде трајна и ќе го разгледам нашето членство“, порача Трамп во писмото до лидерот на Светската здравствена организација, Тедрос Аданом Гебрејесу, кое е објавено на „Твитер“.

Светската здравствена организација соопшти дека независното разгледување на глобалниот одговор на коронавирусот ќе почне што е можно побргу и дека добила поддршка и голема финансиска уплата од Кина, која е под посебна контрола како извор на пандемијата.

фото: Архива