fbpx
пет. Јул 30th, 2021

Скопје1.мк

види, слушни, прочитај

Пендаровски: Нема да прогласам нова вонредна состојба

Претседадателот на државата Стево Пендаровски не предложи нова вонредна состојба, што значи дека почнуваат да течат роковите за распишување нови, предвремени парламентарни избори.

Пендаровски посочи дека споредбите кои се прават помеѓу претходните вонредни состојби и бројот на тогаш заразените и починати со актуелните бројки се без основа, и потенцираше дека ниту една вонредна состојба не била воведена од тие причини.

„За мерките од типот полициски час, карантин и кризна состојба на дел и на целата територија на државата постои законска регулатива и воопшто нема потреба да се воведува вонредна состојба за да се применуваат тие мерки. Друга заблуда е дека вонредната состојба има врска со датумот на изборите, избори може да се организираат и за време на вонредна состојба, само треба владата ако сака, во уредбата каде што стои, по завршување на вонредната состојба продолжуваат да течат изборните рокови, да напише, изборните рокови течат и за време на вонредната состојба, и толку“, рече Пендаровски.

Сите вонредни состојби досега, вели Пендаровски, биле прогласувани на барање на Владата, со нејзино образложение зошто е потребно тие да бидат воведени, а на сите нив им претходеше седница на Советот за безбедност на која била објаснувани причините за потребата од вонредна состојба.

„Сите претходни вонредни состојби ги прогласив заради потребата во отсуство на парламент, да се управува преку уредби со законска сила со цел борба против ефектите од пандемијата во здравствената и економско-социјалната сфера, откако најголемиот број од стопанските субјекти престанаа со работа“, рече Пендаровски.

Претседателот апелираше до лидерите на политичките партии, уште денес да се договорат за датум кога би било прифатливо организирање на предвремените парламентарни избори, предупредувајќи дека ќе биде штетно доколку некоја од партиите одлучи да не учествува во процесот.

„Јас знам дека најголемиот број од нашите граѓани не размислуваат за избори во време кога имаме пораст на заболени, меѓутоа, избори и во време на корона, која нема да замине наскоро, се неопходни за да добиеме функционален, наместо распуштен парламент и легална и легитимна, наместо техничка влада“, рече Пендаровски.

Четвртата вонредна состојба завршува утре.