Десетгодишно дете било повредено во сообраќајна несреќа во Градско, откако во него удрило патничко возило чиј возач потоа го напуштил местото на настанот.
Според информациите од Министерството за внатрешни работи, несреќата била пријавена на 18 август во СВР Велес, а се случила околу 13 часот на улицата „Александар Македонски“ во Градско.
Возилото удрило во 10-годишниот малолетник од селото Уланци, општина Градско, по што возачот продолжил да се движи и го напуштил местото.
Детето се здобило со телесни повреди, кои биле констатирани во Општата болница во Велес.
Увид на местото извршила увидна екипа од СВР Велес. Полицијата презема мерки за пронаоѓање на возачот и возилото, како и за целосно расчистување на случајот.
