Турскиот претседател Реџеп Таип Ердоган рече дека Турција соработува со Русија на производство на противавионските ракетни системи „С-500“. Како што пишува „Хабертурк“ Ердоган веќе испратил 100 инженери во Русија на обука за процесот за производство на оружје.
Инаку купувањето на С-400 предизвика тензии меѓу Турција и САД. Вашингтон ја предупреди Анкара дека постои можност од воведување санкции доколку го реализира купопродажжниот договор.
„Апсолутно нема шанса Турција да се откаже од купувањето на системот С-400. Тоа е завршена работа“, изјави Ердоган синоќа во Истанбул и додаде дека Турција со Русија „ќе го произведува и системот С-500 по купувањето на С-400“.
САД сметаат дека договорот за С-400 претставува закана за западните земји. Вашингтон побара од Анкара да бира меѓу рускиот ракетен систем и американските стелт ловци Ф-35, кои исто така ѝ се потребни на Анкара.
