Единаесет возачи биле лишени од слобода во текот на изминатото деноноќие поради сомнение за сторено кривично дело „безобѕирно управување со возило“, информира Министерството за внатрешни работи.
Од нив, осум управувале возило без возачка дозвола, а меѓу нив имало и еден малолетник. Двајца од лишените возачи биле под дејство на алкохол, при што еден од нив предизвикал сообраќајна незгода.
Полицијата лишила од слобода и возач кој управувал возило и покрај тоа што имал активна забрана за управување.
По целосното документирање на случаите, против возачите ќе бидат поднесени соодветни кривични пријави.
Од МВР апелираат до сите учесници во сообраќајот да ги почитуваат правилата и прописите и да не управуваат возило без положен возачки испит, под дејство на алкохол или за време на изречена забрана за управување. Оттаму посочуваат дека одговорното однесување на сите учесници е клучно за поголема безбедност на патиштата.
