11 возачи лишени од слобода за „безобѕирно управување“, девет немале возачка дозвола

Единаесет возачи биле лишени од слобода во текот на изминатото деноноќие поради сомнение за сторено кривично дело „безобѕирно управување возило“.

— реклама —

Според МВР, деветмина од нив управувале возило без да имаат положено возачки испит. Меѓу нив има лица од Скопје, Јурумлери, Студеничани, Гостивар, Неготино, Гевгелија, Прилеп и Битола, а еден од возачите е 17-годишник.

— реклама —

Во два случаи биле утврдени други прекршоци. Ј.Т. (36) од село Виничани управувал возило под дејство на алкохол, додека Ф.Г. (20) од Кочани бил затекнат како управува возило и покрај активна забрана за управување.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

Од полицијата апелираат учесниците во сообраќајот да ги почитуваат правилата и прописите и да не управуваат возило без положен возачки испит, под дејство на алкохол или за време на изречена забрана за управување.