11 возачи лишени од слобода за едно деноноќие – осум возеле без дозвола, тројца пијани

Единаесет возачи биле лишени од слобода во изминатото деноноќие на различни локации низ Македонија поради безобѕирно управување со моторно возило, информира Министерството за внатрешни работи.

— реклама —

Осуммина од нив управувале возила без претходно положен возачки испит. Станува збор за лица од Скопје, Батинци, Порој, Гостивар, Радовиш, Раклиш, Струга и Лисичани.

— реклама —

Во Гостивар бил повикан и 16-годишник кој управувал патничко возило без да има право на управување, а со него бил извршен службен разговор во присуство на родител.

— реклама —

Други тројца возачи биле затекнати зад воланот под дејство на алкохол, откако претходно учествувале во сообраќајни незгоди. Станува збор за лица од селата Биљановце, Драмче и Осиче.

— реклама —

Од МВР информираат дека по целосното документирање на случаите ќе бидат поднесени соодветни кривични пријави. Министерството апелира до возачите да ги почитуваат сообраќајните правила и да не управуваат возила без положен возачки испит, под дејство на алкохол или со изречена забрана за управување.