Во текот на изминатото деноноќие полицијата привела 11 возачи низ земјава поради безобѕирно управување со возило, при што најголем дел од нив возеле без возачка дозвола.
Од МВР информираат дека осуммина од лишените од слобода управувале возило без да поседуваат возачка дозвола, а меѓу нив имало и еден малолетник. Други тројца возачи биле фатени како управуваат под дејство на алкохол.
Против сите 11 лица, по целосно документирање на случаите, ќе бидат поднесени соодветни кривични пријави.
Од МВР апелираат до учесниците во сообраќајот да ги почитуваат правилата и прописите и да не управуваат возило без положен возачки испит, под дејство на алкохол или за време на изречена забрана за управување.
