Во текот на изминатото деноноќие, полициски службеници на различни локации во државата лишиле од слобода 12 возачи поради сомнение за сторено кривично дело „безобѕирно управување возило“ по член 297-а од Кривичниот законик, соопшти Министерството за внатрешни работи.
Од нив, осум возачи управувале возило без положен возачки испит. Станува збор за А.А. (33) од Скопје, М.Д. (28) од Љуботен, скопско, Б.С. (43) од Брест, скопско, Г.А. (34) од Врапчиште, гостиварско, С.С. (37) од Степанце, Општина Старо Нагоричане, Б.Ш. (40) од Рогле, Општина Желино, И.А. (45) од Чешиново, Општина Чешиново-Облешево и О.Ј. (44) од Штип.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Тројца од лишените од слобода управувале под дејство на алкохол. Тоа се Ј.С. (56) од Скопје, Д.Р. (73) од Македонска Каменица и Р.Ј. (47) од радовишко, кој воедно управувал и во спротивна насока.
Полицијата го лишила од слобода и П.К. (46) од Прилеп, кој управувал возило и покрај активната мерка забрана за управување.
Од МВР информираат дека по целосното документирање на случаите ќе бидат поднесени соодветни кривични пријави.
Од полицијата апелираат до сите учесници во сообраќајот да ги почитуваат сообраќајните правила и прописи и да не управуваат возило без положен возачки испит, со изречена забрана за управување или под дејство на алкохол.
