12 возачи уапсени за „безобѕирно управување возило“, осуммина немале положено возачки испит

Во текот на изминатото деноноќие, полицијата на различни локации во државата лишила од слобода 12 возачи поради сомнение за сторено кривично дело „безобѕирно управување возило“ по член 297-а од Кривичниот законик.

— реклама —

Од приведените, осум лица управувале возило без положен возачки испит. Станува збор за Ј.Л. (20) од село Батинци, скопско, О.Ф. (22) од Скопје, В.Ќ. (34) од Гостивар, Л.Р. (38) од село Ѓурѓевиште, Општина Врапчиште, П.А. (22) од Кочани, Ф.Ш. (24) од Штип, Л.Ј. (21) и 15-годишна малолетничка од Прилеп.

Двајца од возачите, В.А. (46) од Скопје и Н.С. (27) од Кратово, управувале возила и покрај активна забрана за управување моторно возило.

— реклама —

Д.Н. (66) од Тетово, пак, бил затекнат како управува патничко возило под дејство на алкохол.

— реклама —

А.Н. (55) од село Велешта, струшко, истовремено управувал возило со активна забрана за управување, под дејство на алкохол и со брзина поголема од дозволената.

Од МВР информираат дека по целосното документирање на случаите ќе бидат поднесени соодветни кривични пријави.

Од полицијата апелираат до сите учесници во сообраќајот да ги почитуваат сообраќајните правила и прописи и да не управуваат возило без положен возачки испит, со изречена забрана за управување или под дејство на алкохол.