13-годишници без возачки дозволи со мотоцикли се судрија во Мокриево, едниот тешко повреден

Двајца 13-годишни малолетници се повредени во сообраќајна несреќа што се случила вчера во селото Мокриево, струмичко, при судир на два мотоцикли.

Од МВР информираат дека несреќата била пријавена на 7 септември околу 13:40 часот во СВР Струмица. Во неа учествувале мотоцикл без регистарски ознаки, управуван од 13-годишник од селото Мокрино, и мотоцикл со струмички регистарски ознаки, управуван од 13-годишник од Мокриево.

— реклама —

И двајцата малолетници управувале без возачка дозвола.

Во несреќата 13-годишникот од Мокрино се здобил со тешки телесни повреди, додека другиот малолетник се здобил со телесни повреди. Повредите биле констатирани во Медицинскиот центар во Струмица.

— реклама —

Увид на местото на несреќата извршила екипа од СВР Струмица.