14-годишен малолетник од Велес бил пронајден и лишен од слобода откако управувал мопед во спротивна насока, а потоа побегнал кога забележал полициски службеници.
Инцидентот се случил на 1 септември околу 10 часот на улицата „11 Октомври“ во Велес. Полициска патрола забележала мопед кој се движел во спротивна насока, по што возачот го паркирал и побегнал.
По преземените мерки и извршените проверки, полицијата утврдила дека мопедот го управувал 14-годишник од Велес.
Со малолетникот бил извршен службен разговор во присуство на негов родител и претставник од Центарот за социјална работа Велес. Мопедот бил одземен, а од МВР информираат дека по целосното документирање на случајот ќе биде поднесен соодветен поднесок.
