14 возачи приведени за безобѕирно управување, еден возел со 178 км/ч на автопат

Во текот на изминатото деноноќие, полицијата лишила од слобода 13 возачи, а со уште еден возач бил извршен службен разговор поради сомнение за сторено кривично дело „безобѕирно управување возило“ според член 297-а од Кривичниот законик.

— реклама —

Од вкупно 14 случаи, кај 10 возачи било утврдено дека управувале возило без положен возачки испит. Меѓу нив имало и двајца малолетници – 17-годишник од Студеничани и 16-годишник од Кочани.

Б.П. (56) од Дулица, Македонска Каменица, управувал без возачка дозвола и под дејство на алкохол. Под дејство на алкохол возел и И.А. (47) од Куманово, додека А.К. (45) од Трубарево, покрај тоа што бил под дејство на алкохол, имал и активна забрана за управување.

— реклама —

Со активна мерка забрана за управување возило биле затекнати и А.Ш. (39) од Обедник, демирхисарско, и А.А. (32) од Поум, струшко.

— реклама —

Меѓу санкционираните е и романскиот државјанин Г.М. (43), кој на автопатот Гевгелија–Демир Капија управувал со брзина од 178 километри на час, на делница каде максимално дозволената брзина е 80 километри на час.

По целосното документирање на случаите, против возачите ќе бидат поднесени соодветни кривични пријави.

— реклама —

Од МВР апелираат до сите учесници во сообраќајот да ги почитуваат правилата и прописите и да не управуваат возило без положен возачки испит, под дејство на алкохол или со изречена забрана за управување.