15-годишник со „мерцедес“ удрил велосипедист кај Куманово

Во сообраќајна несреќа што се случила на локален пат во селото Лопате, кумановско, тешко е повреден 50-годишен велосипедист.

— реклама —

Според информациите од МВР, несреќата била пријавена на 25 септември во 22:30 часот во СВР Куманово. Во неа учествувале патничко возило „мерцедес“ со кумановски регистарски ознаки, управувано од 15-годишник од село Лопате, и велосипед управуван од И. Х. (50) од истото село.

— реклама —

— реклама —

Во несреќата велосипедистот се здобил со тешки телесни повреди, кои биле констатирани во Ургентниот центар во Куманово.

За случајот бил известен јавен обвинител, а увид на местото извршила увидна екипа од СВР Куманово.