15-годишник управувал автомобил без возачка дозвола и учествувал во сообраќајка

Петнаесетгодишник од Скудриње лишен од слобода, управувал автомобил без возачка дозвола

— реклама —

Полициски службеници од ОВР Гостивар лишиле од слобода 15-годишен малолетник од село Скудриње, општина Маврово и Ростуше, откако било утврдено дека управувал автомобил без возачка дозвола.

— реклама —

— реклама —

Случајот бил пријавен на 21 септември во 02:00 часот, по претходно случена сообраќајна незгода во селото Скудриње. При извршениот увид било констатирано дека малолетникот управувал патничко возило „Сеат Леон“ со гостиварски регистарски ознаки иако немал право да управува со возило.

Возилото било одземено, а 15-годишникот бил задржан во полициска станица. Од МВР информираат дека по целосно документирање на случајот ќе следува соодветен поднесок.