15 лица уапсени во едно деноноќие поради безобѕирно возење

Во текот на изминатото деноноќие полицијата на целата територија на државата лишила од слобода 15 лица поради сомнение за сторено кривично дело „безобѕирно управување со моторно возило“.

— реклама —

Од нив, 10 управувале возило без возачка дозвола, меѓу кои и тројца малолетници. Две лица биле затекнати како возат под дејство на алкохол, едно управувало возило и покрај активна забрана, додека две лица истовремено возеле без дозвола и под дејство на алкохол.

— реклама —

— реклама —

По целосното документирање на случаите, против сите ќе бидат поднесени соодветни кривични пријави.

— реклама —

МВР повторно апелира до учесниците во сообраќајот да ги почитуваат правилата, да не управуваат без возачка дозвола, под дејство на алкохол или за време на изречена забрана за управување.