Во сообраќајна несреќа во селото Будаково, општина Могила, тешко е повреден 16-годишник кој управувал мотоцикл.
Од МВР информираат дека несреќата била пријавена на 20 август во 22:00 часот во СВР Битола. Според пријавеното, малолетникот од Будаково, управувајќи мотоцикл со битолски регистарски ознаки, во еден момент изгубил контрола над возилото и паднал.
Во несреќата тој се здобил со тешки телесни повреди, кои биле констатирани во болницата во Битола.
Увид на местото извршила увидна екипа на СВР Битола.
