Шеснаесетгодишен малолетник е тешко повреден откако изгубил контрола над електричен тротинет и паднал во Мала Речица, Тетовско.
Според информациите од МВР, несреќата се случила на 9 септември во 22:30 часот. Малолетникот, кој е од Мала Речица, управувал со електричен тротинет кога изгубил контрола и паднал.
Со тешки телесни повреди бил пренесен во Клиничката болница во Тетово, каде што повредите биле констатирани.
Увид на местото извршила увидна екипа на СВР Тетово.
