Денеска во 14.50 часот било пријавено дека на регионалниот пат Велес-с.Извор, во близина на крстосница за село Војница, се случила сообраќајна несреќа во која учествувале товарно возило ,,Ивеко” со скопски регистарски ознаки, управувано од Б.Н.(57) од Скопје и комбе ,,фолксваген” со велешки регистарски таблици, управувано од О.Ј.(65) од село Побожје-Општина Чучер Сандево.
Во несреќата, како што соопшти полицијата за „Макфакс“ со повреди се здобиле возачот на комбето и 13 патници, како и возачот на товарното возило и сопатник во товарнoто возило, на кои им била укажана лекарска помош во болницата во Велес.
По овластување на јавен обвинител, увид извршила Увидна екипа од СВР-Велес.
