16 пожари на отворен простор, девет се активни

До 13:00 часот денеска се регистрирани вкупно 16 пожари на отворен простор, од кои девет се активни, четири се под контрола, а три се изгаснати, информира Центарот за управување со кризи.

— реклама —

Активни пожари има во повеќе општини низ земјава. Во Струга гори на потегот од селата Буринец, Локов, Селце и Елевци, каде што е зафатена нискостеблеста шума.

Во Македонски Брод активни се два пожара – кај селото Белица, во месноста Кајорец кон Брезница, каде што гори нискостеблеста и мешана шума, како и во селото Бенче, каде што е регистриран шумски пожар.

— реклама —

Пожари има и во Кичево, во селото Кнежино, месност Црн Камен, во Тетово, кај селото Гајре, каде што гори ниска вегетација и ниска шума, како и во Желино, кај Палатица, каде што гори ѓубре.

— реклама —

Во Гостивар активни се два пожара – кај селата Печково и Падалиште, додека во Долнени гори ниска вегетација кај селото Долгаец.

Под контрола се пожарите во Кичево, кај Тајмиште, во месноста Дарда, во Сарај, кај Копаница, на градската депонија во Делчево и кај селото Брест во општина Чучер-Сандево.

— реклама —

Три пожари се целосно изгаснати – кај селото Ситник во општина Ново Село, кај Новите гробишта во Прилеп и кај Градските гробишта во Крушево.