16 возачи уапсени за безобѕирно возење, 10 биле под дејство на алкохол

Во текот на изминатото деноноќие, полицијата привела 16 возачи поради безобѕирно управување со возило, од кои 10 биле под дејство на алкохол, а шест управувале без возачка дозвола. Двајца од возачите предизвикале и сообраќајни незгоди.

— реклама —

Според МВР, алкохол бил констатиран кај возачи од Тетово, Кочани, Кичево, Прилеп и Португалија. Возач од Турција, кај кого биле измерени 1,98 промили алкохол во крвта, удрил во паркирано патничко возило. Во друг случај, возач од Делчево со 1,82 промили алкохол удрил во жардинјера.

— реклама —

Шест лица биле затекнати како управуваат без возачка дозвола. Меѓу нив има возачи од Скопје, Тетово и Свети Николе, како и две малолетни лица кои управувале мотоцикли без дозвола.

— реклама —

По целосното документирање на случаите, против сите приведени ќе бидат поднесени соодветни кривични пријави.

— реклама —

Од МВР апелираат до граѓаните да не управуваат возило под дејство на алкохол или без положен возачки испит и да ги почитуваат изречените забрани за управување. Одговорното однесување во сообраќајот, како што посочуваат, е клучно за спречување на незгоди и заштита на човечките животи.