161 прекршок при контроли на велосипедисти, мотоциклисти и возачи на тротинети

Вкупно 161 прекршок биле утврдени при засилените сообраќајни контроли што Министерството за внатрешни работи ги спровело на 8 октомври на територијата на целата држава. Контролите биле насочени кон возачите на велосипеди, велосипеди со помошен мотор, мотоцикли, трицикли, четирицикли и електрични тротинети.

— реклама —

Акциските контроли ги спровел Секторот за сообраќајни работи при МВР, во периодот од 11 до 17 часот. За утврдените прекршоци биле преземени соодветни мерки согласно законските прописи.

— реклама —

Најголем број прекршоци, вкупно 44, биле евидентирани на подрачјето на Секторот за внатрешни работи Битола. Мобилната единица за безбедност на сообраќајот на патиштата утврдила 28 прекршоци, додека на подрачјата на СВР Велес и СВР Струмица биле регистрирани по 22.

— реклама —

Во рамки на акцијата биле поднесени и осум кривични пријави согласно член 297-а од Кривичниот законик. Дополнително, биле констатирани и 493 прекршоци од друг вид.

— реклама —

Од МВР најавуваат дека ќе продолжат со засилените сообраќајни контроли низ земјава, со цел подобрување на безбедноста на патиштата и доследно почитување на сообраќајните правила и прописи.