На 29 септември во 16:00 часот во Скопје, полициски службеници од СВР Скопје го лишиле од слобода 17-годишник од Скопје, по претходна пријава поднесена од 40-годишна скопјанка.
Според пријавеното, 17-годишникот извршил обљуба врз нејзината 15-годишна ќерка, по што ја демнел малолетничката и барал од неа да му испраќа експлицитни фотографии и снимки.
Од МВР информираат дека по целосното документирање на случајот ќе следува соодветна пријава.
