17-годишник уапсен во Охрид, полицијата пронашла дрога и дигитална вага

Седумнаесетгодишник од Охрид бил лишен од слобода откако полицијата при претрес во неговиот дом и помошни простории пронашла повеќе предмети и материи поврзани со дрога.

— реклама —

Од МВР информираат дека на 24 септември, во 13:55 часот, полициски службеници од Одделението за недозволена трговија со дрога и оружје при СВР Охрид извршиле претрес во домот на малолетникот, со наредба од Основниот суд Охрид.

— реклама —

При претресот биле пронајдени и одземени марихуана, дигитална вага со остатоци од марихуана и бела прашкаста материја, како и дробилка со остатоци од марихуана. При личен преглед кај 17-годишникот била пронајдена дополнителна количина марихуана.

— реклама —

Тој бил приведен во полициска станица, каде што во присуство на родител и претставници од Центарот за социјални работи Охрид бил извршен службен разговор.

Од МВР посочуваат дека по целосното расчистување и документирање на случајот против него ќе биде поднесена соодветна пријава.