Седумнаесетгодишник од Скопје бил лишен од слобода откако полицијата го затекнала како управува автомобил без да се стекне со право за управување моторно возило.
Од МВР информираат дека случајот се случил на 13 август околу 00:40 часот на булеварот „Александар Македонски“, каде што полициски службеници од СВР Скопје спровеле сообраќајна контрола.
Тие запреле патничко возило „форд“ со скопски регистарски ознаки, управувано од малолетникот, при што било утврдено дека тој управувал без да поседува право за управување возило.
За случајот бил известен јавен обвинител, а по целосното документирање ќе следува соодветна пријава.
