На 23 септември во 23:20 часот, полициски службеници од СВР Тетово лишиле од слобода 17-годишен малолетник од село Брвеница, тетовско.
Според МВР, малолетникот во селото управувал патничко возило „Хјундаи“ со тетовски регистарски ознаки, кога изгубил контрола над возилото и удрил во бетонски ѕид.
При преземањето мерки и активности на местото на настанот, полициските службеници констатирале дека 17-годишникот го управувал возилото без да поседува возачка дозвола.
Од МВР информираат дека по целосно документирање на случајот ќе следува соодветен поднесок.
