Според информациите од полицијата, на 13 јули околу 00:30 часот, 45-годишен жител на Тетово, заедно со неговата 17-годишна ќерка, го пријавиле случајот во Полициската станица Тетово.
Во пријавата било наведено дека на 7 јули и повторно на 12 јули, во угостителскиот објект каде што работела малолетничката, таа била полово вознемирувана од машко лице на возраст од околу 35 години.
Девојката за случувањата го известила сопственикот на угостителскиот објект, како и нејзиниот татко, по што осомничениот го напуштил местото.
Од СВР Тетово соопштија дека се преземаат мерки за целосно расчистување на случајот и утврдување на идентитетот и одговорноста на лицето.
