Според информации од Министерство за внатрешни работи, во текот на изминатото деноноќие на територијата на целата држава биле лишени од слобода 17 возачи поради безобѕирно управување со моторни возила.
Од нив, деветмина управувале без возачка дозвола, тројца возеле под дејство на алкохол, еден возач од Делчево управувал мотоцикл без дозвола, додека двајца од Скопје управувале со активна забрана за возење. Дополнително, уште двајца скопјани возеле без регистарски ознаки и без возачка дозвола.
Еден возач од Скопје, кај кого било утврдено присуство на алкохол, предизвикал сообраќајна незгода откако изгубил контрола над возилото и удрил во канделабра.
По целосно документирање на случаите, ќе бидат поднесени соодветни пријави.
Од МВР апелираат до сите учесници во сообраќајот да ги почитуваат правилата и прописите, да не управуваат возила без дозвола, под дејство на алкохол или додека им е изречена забрана за управување.
