Министерството за внатрешни работи во текот на вчерашниот ден (23.09.2022) продолжи со засилените акциски контроли во областа на сообраќајот.
На територија на град Скопје изречени се вкупно 171 мерка, меѓу кои за возење повеќе од дозволената брзина 22 санкции, 20 мерки за возење без возачка дозвола, седум санкции за прекршоци што ги прават возачите на мотоцикл, четири мерки за возење под дејство на алкохол.
Изречени се четири мерки за користење мобилен телефон, 13 санкции за минување на затворен сигнал (црвено светло), 10 мерки за непрописно престигнување и обиколување, четири санкции за возач почетник...
Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.