18-годишник украл накит од 70-годишна жена во Скопје

Полицијата во Скопје расчисти случај на тешка кражба на дрзок начин, при што е лишен од слобода 18-годишен жител на Кочани.

— реклама —

Од МВР информираат дека на 9 август во 12:20 часот, на подрачјето на Центар, полициски службеници од СВР Скопје го лишиле од слобода Д.И., постапувајќи по претходна пријава за кражба.

— реклама —

— реклама —

Според пријавеното, 18-годишникот употребил физичка сила врз 70-годишна скопјанка, од која одзел личен накит.

— реклама —

За случајот бил известен јавен обвинител, а по целосното документирање, ЕВР Центар и Бит Пазар при СВР Скопје ќе поднесат пријава по итна постапка поради постоење основи на сомнение за сторено кривично дело „тешка кражба на дрзок начин“ по член 236 став 3 од Кривичниот законик.