18 возачи лишени од слобода за безобѕирно управување, 17 возеле без возачка дозвола

Осумнаесет возачи биле лишени од слобода во текот на изминатото деноноќие поради сомнение за сторено кривично дело „безобѕирно управување возило“, соопшти МВР.

— реклама —

Од нив, 17 возачи управувале возило без положен возачки испит. Станува збор за седум лица од Скопје, како и лица од Арачиново, Батинци, Студеничани, Стајковци, тетовско, Куманово, Кичево, битолско, Пробиштип и Велес. Меѓу приведените има и 17-годишник и 15-годишник.

— реклама —

Меѓу лишените од слобода е и 19-годишниот П.Ѓ. од Велес, кој, според МВР, предизвикал сообраќајна незгода.

Дополнително, слободата му била одземена и на О.В. (27) од Македонска Каменица, кој управувал возило под дејство на алкохол.

— реклама —

По целосното документирање на случаите ќе бидат поднесени соодветни кривични пријави.

— реклама —

Од МВР апелираат до сите учесници во сообраќајот да ги почитуваат сообраќајните правила и прописи и да не управуваат возило без положен возачки испит, со изречена забрана за управување или под дејство на алкохол.