На територијата на целата држава биле констатирани 189 прекршоци при засилена сообраќајна контрола насочена кон однесувањето на пешаците.
Контролата ја спровел Секторот за сообраќајни работи при Министерството за внатрешни работи на 2 септември, во периодот од 10:00 до 15:00 часот.
Најголем број прекршоци биле регистрирани на подрачјето на СВР Штип – 57, потоа СВР Битола и СВР Струмица со по 32, а СВР Тетово со 27 прекршоци.
Од вкупниот број, 159 прекршоци се однесувале на небезбедно преминување на улица, односно преминување надвор од обележан пешачки премин или на место кое не е предвидено за преминување на пешаци.
Од МВР информираат дека за сите констатирани прекршоци биле преземени соодветни мерки согласно законските прописи.
Министерството најавува продолжување на засилените сообраќајни контроли со цел зголемување на безбедноста на сите учесници во сообраќајот.
Од МВР апелираат пешаците да ги почитуваат сообраќајните правила и улиците да ги преминуваат исклучиво на обележани пешачки премини или на други места предвидени за безбедно преминување.
