19-годишна девојка од селото Црнилиште загина во сообраќајна несреќа на локалниот пат меѓу селата Пиширово и Црнилиште.
Од МВР информираат дека несреќата се случила на 6 септември околу 22 часот, кога Т.Д., управувајќи патничко возило „Сеат“ со светиниколски регистарски ознаки, излетала од патот.
Од здобиените повреди, девојката починала на местото на несреќата. Смртта ја констатирал лекар од Итната медицинска помош.
По наредба на јавен обвинител, телото на починатата било предадено за обдукција. Увид на местото извршила увидна екипа на ОВР Свети Николе.
