19-годишник без возачка се обидел да побегне од полицијата, па удрил во две возила

Деветнаесетгодишен велешанец бил лишен од слобода откако, според МВР, се обидел да побегне од полицијата со мопед, при што удрил во две патнички возила.

— реклама —

На 13 септември во 18:20 часот, полициски службеници од СВР Велес го лишиле од слобода П.Ѓ. (19) од Велес. Претходно, на крстосницата на улиците „Костурска“ и „Љубљанска“, тој управувал мопед со велешки регистарски ознаки и, откако ги забележал полициските службеници, се обидел да побегне.

— реклама —

Притоа, удрил во „сеат“ со велешки регистарски ознаки, управуван од Ѓ.Д. (31), а потоа и во „голф“, исто така со велешки регистарски ознаки, управуван од Љ.М. (45), двајцата од Велес.

Во несреќата нема повредени лица, но причинета е материјална штета.

— реклама —

По преземените мерки и извршените проверки било утврдено дека П.Ѓ. управувал со мопедот без да поседува возачка дозвола. По насоки на јавен обвинител, тој бил приведен во полициска станица, а мопедот бил одземен.

— реклама —

По целосното документирање на настанот ќе бидат поднесени соодветни пријави.