19-годишник тешко повреден откако татко му го турнал по скали

Педесет и едногодишен жител на струмичко село е лишен од слобода поради сомнение дека физички го нападнал својот 19-годишен син и му нанел тешки телесни повреди.

— реклама —

Според информациите од Министерството за внатрешни работи, осомничениот бил приведен на 6 август во 16:40 часот, постапувајќи по претходна пријава дека на 1 август, на терасата од семејниот дом, физички го нападнал својот син и го турнал по скали.

— реклама —

— реклама —

Во инцидентот, 19-годишникот се здобил со тешки телесни повреди, кои биле констатирани во Медицинскиот центар во Струмица.

— реклама —

Осомничениот е задржан во Полициската станица Струмица, а за случајот е известен јавен обвинител од Основното јавно обвинителство Струмица. По целосното документирање на настанот против него ќе биде поднесена соодветна пријава.