19 кривични дела за безобѕирно управување со возило за едно деноноќие, 17 лица приведени

Во изминатото деноноќие на територијата на Македонија биле регистрирани 19 кривични дела „безобѕирно управување со моторно возило“, а 17 лица биле лишени од слобода, информира Министерството за внатрешни работи.

— реклама —

Според МВР, 11 лица управувале возило без положен возачки испит или без стекнато право на управување. Меѓу нив имало и двајца малолетници, од кои едниот управувал мопед. Со едно лице бил извршен службен разговор.

— реклама —

Во шест случаи возачите биле затекнати под дејство на алкохол. Највисока концентрација била измерена кај 29-годишник од Битола, во чија крв имало 3,23 промили алкохол. Кај останатите петмина биле измерени од 1,55 до 2,20 промили.

МВР регистрирало и случај во кој 20-годишник од Битола учествувал во сообраќајна несреќа со материјална штета, управувајќи возило без регистарски таблички и без возачка дозвола. Дополнително, 29-годишник од Скопје управувал возило без стекнато право на управување и со истечена важност на сообраќајната дозвола.

— реклама —

По целосното документирање на случаите ќе бидат поднесени соодветни кривични пријави.

— реклама —

Од МВР повторно апелираат до возачите да ги почитуваат сообраќајните правила, да не седнуваат зад волан без возачка дозвола или под дејство на алкохол, а родителите и старателите да не им дозволуваат на малолетниците да управуваат возила пред да ги исполнат законските услови.