Дваесетгодишен скопјанец бил повикан на службен разговор во Полициската станица Ѓорче Петров по пријава од неговата поранешна партнерка дека физички ја нападнал, ѝ се заканувал и ѝ одзел пари, информира Министерството за внатрешни работи.
На 5 септември во 17:30 часот бил извршен службен разговор со М. А. С. (20) од Скопје. Според пријавата, околу 04:00 часот истиот ден тој влегол во домот на неговата 19-годишна поранешна партнерка во Ѓорче Петров, каде што физички ја нападнал, ѝ упатил закани и од чантата ѝ одзел пари.
Од МВР информираат дека по целосното документирање на случајот ќе следува соодветен поднесок.
