20 пожари на отворен простор во Македонија: Четири сè уште активни

До 18 часот денес, 2 септември, во државата се регистрирани 20 пожари на отворен простор, од кои четири се активни, шест се под контрола, а 10 се изгаснати.

— реклама —

Активни пожари има во општините Сарај, Ѓорче Петров, Македонски Брод и Зелениково. Во Сарај гори кај селото Копаница, во Ѓорче Петров кај Грачани, во Македонски Брод кај селото Белица, во месноста Кајорец, додека пожар е активен и меѓу селата Цветово и Горно Количани во Зелениково.

— реклама —

— реклама —

Под контрола се пожарите во Македонски Брод кај Битово, Заград и Страјане, Драгов Дол и Белица, потоа на градската депонија Острец во Делчево, меѓу Селце, Пухче, Степанци и Лакавица во Штип, како и меѓу Буринец и Локов во Струга.

— реклама —

Во текот на денот се изгаснати пожари во Ресен, Кичево, Чешиново-Облешево, Чашка, Демир Капија, Старо Нагоричане, Куманово, Теарце, Боговиње и Струмица.