20 пожари во 24 часа: Изгаснати 19, еден под контрола кај Белица

Во последното деноноќие во земјава се регистрирани вкупно 20 пожари на отворен простор, информира Центарот за управување со кризи.

— реклама —

Според информацијата до 07:30 часот на 20 септември, нема активни пожари. Еден пожар е ставен под контрола, додека 19 се целосно изгаснати.

— реклама —

Пожарот кој е под контрола е на подрачјето на општините Македонски Брод и Сопиште. Станува збор за пожар кај селото Белица, во месноста „Кајорец“, кој се проширил кон Јасен, при што гори нискостеблеста и мешана шума.

Во текот на изминатото деноноќие пожари биле регистрирани и во Куманово, Битола, Струга, Чешиново-Облешево, Ново Село, Струмица, Долнени, Прилеп, Кривогаштани, Илинден, Крушево, Ресен, Липково, Ѓорче Петров и Тетово.

— реклама —

Најчесто гореле ниска вегетација, стрништа, отпад и депонии, а во неколку случаи биле зафатени и шумски површини.

ЦУК повторно апелира до граѓаните на внимателно и одговорно однесување при движење и престој на отворен простор, особено при користење оган, со цел да се спречи избувнување и ширење на пожари.